Aizawl, the 5th August, 2022 :_ Vawiin khan Dr. Vanlalthlana, Aizawl North II MLA chuan Ramhlun South Community Hall-ah a bial chhunga Anganwadi Centre 16 te hnenah thuthleng 20 theuh a hlan a. Dr. Mathlana chuan, “Zirna leh hriselna buaipui hi a bulthut atanga kan siam that a ngai,” a ti.
Dr. Vanlalthlana chuan, “Zirnaah leh hriselna lamah sum kan sen tam ang hua hma kan sawn theih loh nachhan hi bengsika kan ngaihtuah a ngai a ni. Anganwadi Centre-te hi naupang kalkhawmna mai ni lo, naupangte zirna tha tak tak pekna bakah nu leh tleirawlte tana damdawi tha lakna hmun a nih avangin a enkawlna lamah pawh khawtlangin hma kan lak nasat lehzual a ngai hle a ni,” a ti a. Dr. Mathlana chuan Anganwadi Centre pan thin nu leh pate hnen atangin zirtirtute leh centre chungchanga an ngaihdan lak a, chumi chu a enkawltu department hnena pek a nih tur thu a tarlang nghal bawk.
Aizawl North II Bialtu MLA hian tun hnai lawk khan Ramhlun South Anganwadi Centre III sak chhunzawmna tur sum thahnem tak MLA fund atangin a lo pe tawh bawk a ni.