27/8/2022: Aizawl Two-wheeler Taxi Association (ATTA) Futsal Tournament kharna inkhawm Bethesda Futsal Ground, Tanhril-a neihah Congress Thalai President Dr. Lalmalsawma Nghaka chu thusawi tura sawmin, “Lal Isua nen lo service tang tang ula Pathianin mal a sawm cheu ka ring,” a ti.
Fit Mizoram Zote HONDA ATTA Futsal Tournament Closing Ceremony neiha thusawitu Dr. Lalmalsawma chuan, “In harsatna hrechiangtu ka ni vein ka inhria a, ni sen sa leh ruahsur hnuaia inkhalh hreawm zia ka hria a, stand-ah shed in nei lote hi kan vei ve a, stand zau leh inthiarna in neih theih nan AMC Commissioner te kan hmu a, hma kan la zel ang,” a ti.
“In pawimawh zia kan hria a, mipui rawngbawltu in nih reng kan duh. COVID hluar laiin in harsat zia te kan hria a ni, nangmahni tan theihtawpin kan tang ve zel dawn. Hna hniamah in hna hi ngai reng reng suh u, eizawnna hna hniam a awm lo. India ram state hausa Maharashtra CM pawh khu auto driver thin alawm. Rinawmna, taimakna nen bei zel rawh u,” a ti bawk.
Dr. Lalmalsawma hian Lalnuntawma Fanai lehkhabu ziah Thangchhuah Tlang, Lalsawta Lekha bu ziak That Loh Theih Lohna Bawm bu engmaw zat bakah, ATTA Fund a tan tanpuina a hlan nghal a ni.
Tun tournament ah hian team 94 chhuakin hmeichhe team 4 an chhuak tel a, Two-wheeler taxi hi tunah hian permit 2955 awmin, member 3140 an awm mek a ni.
