Mizoram sorkarin kawlphetha chhit man ba a pe tlak fel a, harsatna thleng zui lo tura rin a ni

Mizoram sorkarin NEEPCO atanga kawlphetha a leina a pek tlai avanga Mizo hnena
kawlphetha tih tawp an tum thu an puan hnuah nimin vek khan Mizoram sorkar chuankawlphetha man
cheng vbc 16.4 an pechhuak a, bank kaltlangin NEEPCO hi pek an ni a, harsatna thleng zui lo tur a rin a nih
thu Power & Electricity Department hotute hnen atanga thudawn a ni.
P&E hotute chuan
kawlphetha hman man bat
chungchang chu sorkar
sum harsat vang a nih thu
an sawi a. Kawlphetha
man atan sorkar kum kal
mekah cheng vbc.300 dah
a ni a. Hei hian a daih lo
nasa hle tih an sawi a.
Kawlphetha lei nana sum
sen aiin mipuiten
kawlphetha chhit man an
chawi chu a tlem zawk a,
hei hian sum in daih lohna
a siam thin, an ti a. Tunah
hian kawlphetha chhin leina
tur hi sorkarah dil belh mek
anih thu an sawi.
Kawlphetha man ba
rulh nan hian Treasury lamin
cheng vbc.16.34 an phal
saka, hemi hmang vek hian
cheng vbc.16.4 pek tlak
nghal a ni a, kawlphethaah
harsatna thleng zui lo tura
ngaih a ni, an ti. P&E hotute
chuan company lamin
kawlphetha bill an rawn
siam atangin ni 45 chhungin
pawisa hi pek tlak tur tih
inremna awmsa angin
kawlphetha leina tur hi
Letter of Credit-ah sum
dah lawk thin a ni a. Heta
tang hian bill hi an lo la
chhuak mai thin a. Tun
tumah erawh engemaw
harsatna avangin letter of
credit ah sum dah lawk a
awm lo a, company lamin
bill pe tura an rawn nawr
ve reng bawk avangin letter of credit a pawisa dah
tur hi ninganiah treasury
lamin an tih fel thu an sawi.
Mipuiten engchhit
man a hun taka an pek thin
laia hetianga sorkarin
kawlphetha leina man atihfel
vat loh thin chungchanga
zawhna chhangin P&E
hotute chuan sorkarin
kawlphetha a leina ‘power
purchase’ aiin sum an hmuh
bill pek atanga sum an hmuh
chu a tlem zawk a, mipui
bill hian Mizoram mamawh
a phuhru zo lo a, he tihlai
hian mipuiin bill an pek chu
sorkar sum bawm puiah a
lut tawp a, a pekchhuah chu
sorkar thu thu a ni an ti.
Mizoram chuan
kawlphetha hi hmun 5 –
NEEPCO, NTPC, NHPC,
OTPC leh TSECL atangin
a lei a, NEEPCO atanga
vauna tih loh chu midang
atangin harsatna a awmlem
lo niin P & E Dept hotute
chuan an sawi a ni.