MZP ten Assam Riffle DIG thu an tiam tir.

Nimin khan NESO bul tumin, India sipaiten Nagaland Mon distrticta pawisawi lo an pawng kah avanga thi te sunna leh Armed Forces Special
Power Act (AFSPA) 1958 duh lohna lantir nan North East state hrang
hrangah hun hman a ni a. Mizoram-ah pawh MZP bul tumin MZP conference Hall, Aizawl-ah hun hman a ni.
MZP chuan he thil thleng chungchangah hian 23rd Sector Assam
Rifle DIG Brig. Digvijay Singh chu a pisa-ah hmuin “Nagaland Mon Districta thil thleng ang chu Mizoramah thleng ve ngai lo tura intiam turin a ngiat a.
North East pumpuia thleng nawn tawh lo tura hma la turin phut a ni bawk a.
DIG chuan Mizoramah hetiang thil hi a thlen ngai loh tur thu a lo tiam bakah
North East hmun dangah pawh thleng nawn tawh lo turin theihtawp a
chhuah tur thu a lo sawi a ni.
Nagaland Mon distrtict-a pawisawi lo an pawng kah avanga thi
te sunna MZP president Lalnunmawia Pautu chuan, “December 4-a,
sipaite fimkhur loh vanga Nagaland Mon district Oting khuaa pawisawi
lo mi 14 in nunna an chan hi MZP chuan pawi a ti a, na a ti takzet a.
North East mite hi Central India mite hian min hmusitin min endawng hle
a, Mipuite laka sipaite hleihlenna a thlen nawn tawh loh nan AFSPA hlih
a nih ngei hi MZP duh dan a ni.” a ti a. North East mipuite him nan leh
hleilenna a nawn tawh loh nan AFSPA chungchangah a tul angin hmalak chhunzawm a ni dawn a. Mizoram-ah pawh AFSPA hi hlih a la ni lova,
MZP leh NESO chuan AFSPA hi hlih a nih ngei theih nan hma a la zel
dawn a ni.”a ti bawk.