Serchhip damdawiina thihna thlenga mawhphurtu sawnchhuah an rel.

Tunhnaia Serchhip damdawiina mi 3 thihna thleng chungchang nimin khan tlawmngai pawl
aiawh te nen inkawm hona chhawng
hniha neih a sawiho a ni.
Inkawmhona thawh khatna
chu Mizoram Govt. Doctor Assn.
(MGDA) hruaitute nen neih phawt a ni
a. A thawh hnihnaah Dr.ZR Thiamsang
Health & Medical Welfare Board, Vice
Chairman leh R.Lalramnghaka Health
Deptt. Secretary te nen inkawmhona
an nei leh a ni.
MGDA te hian nilai zana
Serchhip District Hospital Doctor te
thu leh hla an ngaihthlak sak hmasak
hnuah mipui lam thu leh hla hriat an
duh avanga Joint Meeting koh an
nih thu an sawi a. Inkawm hona tum
hnihah hian NGO YMA, MUP, MHIP,
MZP, MSU leh MJA Serchhip Dist
aiawh kalkhawmte hian Serchhip
damdawiina thil thleng chungchang
a mi hrang hrang sawite an sawi lang
a, Doctor tam tak an fel viau laiin
inthlahdah deuh an awm nia a lan
thu leh tunhnaia thil thlenga mawh phurtu chu sawn chhuah mai nise
tih te, Serchhip damdawiin hotu ah
discipline lek thiam deuh nise thaa
an hriat thu te, Doctor ten tun aiin
mipui ngheng hnai zawka hna
thawh tum se tih te an sawi.
ZR Thiamsanga MLA leh
R.Lalramnghaka te chuan NGO
hruaitute thil sawi chu a tul anga
bawhzuia hmalak an tum thu an
sawi a. Hun hmasa a thusawitu Dr
C. Lalhrekima Vice President MGDA
pawhin, abikin Gyneacologist doc￾tor pawh a mimal taka an kawmfal
tawh thu leh Doctor tam tak pawh a
tul anga an pawl hminga an lo zilh
tawh thute a sawi a ni.
Dr Hrekima chuan MGDA chu
NGO ang deuh a an kal ve thute
sawiin, Doctor pakhat chunga thinrim
a lungawi lohna au chhuahpui vak
vak chuan Doctor dangte pawhin,
inrintawkna an hloh phah ve thu leh
Hospital hotute pawh mi famkim annih
bik loh thusawiin a tha zawnga
thawhho pui lo thiam tur leh Doctor
dang awm leh zel tur tan pawh
hnathawhna nuam khawtlang siam
zawk zel turin a fuih a. Inpawh tlang
takin boruak tha tak hnuaiah
inkawmhona hi neih a nih thu
thudawnna chuan a sawi.