In sak leh Lei laihah AMC-in a din Enforcement Committee-in hma a la tan

Aizawl Municipal Corporation (AMC) chuan, in sak leh lei laih chungchanga dan kengkawhtu, Enforcement Committee a din chuan insak dan phung dik lo leh lei laih dan him lo-ah hremna an lekkawh tan mek tih an sawi.
Vawiina AMC Enforcement Committee tena thuthar lakhawm tute AMC Pisa Thuampuia an kawmna ah, AMC huamchhunga insa thar tur leh lei lai tura dan thar an siam side development & Building regulations danthar siam a nih hnu ah, permit 1000 chuang pek chhuah tawh a nih thu AMC Dy Mayor R. Thanglura chuan sawiin, dan thar hman a nih hnu ah Dan ina a phal baka insa leh midang te tana hnawk leh him lo te endika hremna lekkawh anih thu a sawi bawk.
Enforcement Committee Chairman Councillor John Zosangliana Ralte chuan Enforcement Commitee ina an hmalak na tur sawifiahna neiin Building Regulations, Solid Watse Managment, Site Development & Slope Modification, Licencing leh Advertisement & Hording Regulations ah te hma an la dawn tih sawiin June ni 13 a AMC in Complain Box an siam hnu ah insak leh leilaih chungchanga complaint 15 a lut tih Enforcement Commiittee Chairman chuan sawiin, heng zinga 13 chu insak kaihhnawih a ni a, a tul anga hmalak leh enfiah niin sum chawitir leh hrem anni hlawm tih Chiarman chuan a sawi.
AMC Enforcement Committee chuan tuna an kalphung permit phalna pek chhuah ringawta kal chu a rem tawh lo nia an hriatthu sawiin, insak phalna Buidling permission an pek chhuah hian Technical Person Registered Engineer te hian drawing angin bul an tanpui anga, a tawp thlengin mawh an phur tur a ni a, a bul tan ban phun na tur dik taka an phunloh emaw a neituten an ti duh lo a nih chuan rang takin AMC ah hriattir tur a ni a, chutianga insa diklo Local Council ten an hmuh chuan an stay vat anga AMC office lamah an hriattir thuai angai tih Enforcement Committee hotute chuan an sawi a, tuna insak tawh sa himlo leh vantlang tana hnawksak te pawh an hmalakna ah an hmachhawp tel a nih thu AMC Dy Mayor chuan sawiin, AMC hian kumkhat chhungin insak phalna 3000 chuang mah an pe chhuak thin a, dan mumal taka zawm a nih chuan Aizawl khawpui nuam leh felfai taka din a ni thei dawn a, chutiang tur chuan AMC Enforcement Committee chuan an hmalakna thar turah khawng taka kal an tum thu thuthar lakhawmtute an kawmna ah hian an sawi lang bawk a ni.