Mizo National Youth Front, Headquarters chuan kan hma 20th Sept 2022 “MARTAR DAY” vawi 41-na denchhenin, vawiin 08th Sept 2022 khan Cancer Society of Mizoram leh Mizoram State Institute-a Palliative Dept-te’n Cancer damlo te tan bika in enkawlna an siam, Hospice Care Unit hnenah thilpek Bubble Air-Mattress panga(5) hlanna hun an hmang. He hunah hian MSCI Dr. Jacoba leh Cancer Hospice Staff-te’n lo dawngsawngin helai Hospice an kal pui dante chipchiar takin an lo hrilh a ni. MNYF Vice President Lalzahawma Khiangte chuan thilpek hlanna hun neiin “Thil ropui tak hlan tur nei lo mah ila, kan hlan theih tawk hi kan Hnam Martar-te Ni pual denchhenin kan hlan che u a ni”a ti. He hunah hian H. Lalroliana, Treasurer, MNYF Hqrs leh MNYF hruaitu dangte’n an ṭawiawm a ni.
Ni 14th Sept 2022(Nilaini) hian MNYF Hqrs bul tumin “MARTAR DAY” pualin a mamawhte tan thisen pek runpui, Mizo Hnam Run, Ground Floor-ah neih leh an tum a ni.
