BJP Lai Autonomous District Hqrs: Lawngtlai chuan tukin zing khanb Lawngtlai Bazar Veng @ Areopagi ah Public meeting a buatsaih a. he hunah hian ADC in thuneihna lian a neih theihna tura BJP hmalak mekna te puanzar na neih a ni a. BJP Mizoram State President Vanlalhmuaka hnen atangin thusawi ngaihthlak a ni bawk. Meeting hi Pu NC. Muankima, Lai District BJP General Secretary in a kaihruaia, L. Lawmkima Adviser, BJP Lai Autonomous District in Pathian hnena hun hlan tawngtaina a nei.
Vanlalhmuaka chuan thusawiin, MNF Sorkar hi a hrana Central-ah zuk hek an ngai hranlo, anmahni thusawi leh an thiltih hmang hian an inhek mai zawk a ni. MNF chuan Central Sorkar an dawr dawnin NDA ah BJP tenen thawk dun annih thu hahip in an sawi a, Mizoram-ah erawh BJP chu thawhpui chi annih loh thu an sawi leh maithin. An nihna diktak chu ‘lehlama awr dum, lehlama awr sen’ a ni. He MNF Sorkar hian thuneihna a chan hnuah sum lamah harsatna nasa tak a tawk a, Covid-19 khan eng emaw chen ah Sorkar hi a chhanhim zawk niin a lang. Hripui avang khan Central atangin sum tam tak an dawn phah a, hei hi Central BJP in a mipuite harsatna an tawh a duhloh vang zawk a ni. Vawiin ni ah phei chuan, a hnuaia hnathawk hlawh pawh a hun takah a pe thei tawhlo a, ba lah angah em em a, sum leh pai enkawl kawngah a fail chiang hle a ni. Mipuite hnenah cheng nuai 3 intiam kha singnga ah tla thlain, tunah phei chuan, 25,000 ah a tla thla leh tawh thung a ni. Chuvangin, sorkar kan hrawn mek hi sorkar zui zel tlak anni tawhlo tih a chiang a, mipuite i harh ang u. Hei hi ka sawi duh a ni, kum 2023 ah khian Mizoramah BJP telna Sorkar hi a ding ngei tawh dawn a ni tih hi a ti.
Vanlalhmuaka chuan BJP hi India ramah Hindu lalram din tum, Kristiante tihduhdahtu tiin kan ramah hian sawi a ni thin a, hei hi thudik tak hriatloh vang leh party thenkhatin BJP lian zel tur an hlauh avanga diklo taka propaganda an vawrh mai mai a ni. India rama Kristian tihduhdahna thleng thin hi uluk zawkin zirchiang ta ila, Congress Sorkar na State a thil thleng thin zawk a ni a, thiam takin Congress Party hian BJP thiltih angin lantir dan a zawng a, mahse, BJP thung chuan, chutiang harsatna thlentu chu manin, hremna a pe zawk thung a ni a ti. Hetianga diklo taka BJP sel thintute hnena ka zawhna chu, India rama BJP Sorkar na state ah hian, khawiah nge Kristian te tihduhdah annih? tih hi a ni. Thu dik tawklo kan inzirtir hi bansan a, kan ramin hmasawnna tak tak a hmuhtheihna turin, kan sem ang emaw kan ti ngei ngei ang ti a, ti leh silo party te hi sirah hnawlin BJP hi Sorkar na siam turin i thlang ang u a ti.
Vanlalhmuaka State BJP President chuan BJP chu a thil tumah a chiang a, mipuite hnenah kan ti ang tia a sawi chu a ti maithin a ni. Autonomous District Council te pawh thuneihna lian zawk in neih theihna tura hma la mektu leh pek tum tu che u chu BJP hi a ni. State a MNF Sorkar erawh chuan in thil dil mek hi comments a peknaah, negative comments a pek sak che u a nih kha. Hetiang chunga ADC Area-ah MNF Party a kan la awm duhte hi nguntakin ngaihtuah teh ang u, thil zahthlak tawpkhawk a ni. Hnama min dintu hi Pathian a ni a, tawng min petu pawh hi Pathian a ni. Tuna kan awm danah hi chuan, hnam bo tur zia hi kan pu a ni. Thuneihna lian zawk inneih theihna turin BJP chuan theihtawp a chhuah a, Prime Minister Pu Narendra Modi pawh keimah hoin, a chenna hmunah ngeiah in hotute nen kan hmu a. State President ka nihna angin, he inthil dil mek hi ka support tlat che u a ni. Chuvangin, he ram leh hnam hian malsawmna a dawn theihna turin BJP hi kan belh tlat a ngai a ni a ti.
