Vawiin khan Serchhip DC Meeting Hall-ah Bawrhsap Nazuk Kumar, IAS hovin Serchhip District Hospital thar sakna hmun tur chungchanga Bûkpui lama sak rawttu All NGO Coordination Committee aiawhte leh sawn chhuah phal lotu pawl ding Joint Action Committee aiawh member pali ve ve te an thukhawm.
He hunah hian Bawrhsap hian, pawl pahnihte duhna leh thahnemngaihna a hriatthiampui thu a sawi a. Chutih laiin damdawi in thar kan neih theih nan a khawi emaw zawk zawk thlan fel a, hna thawh tan a tûl thu pawh a tarlang a. Chuvang chuan sawrkarin tha a tihna lam zawk zawka a sak theih nana zalenna pêk remtihna thu an ziah ve ve theih leh theih loh a zawt a ni. Joint Action Committee aiawh lamte hian an hruaitu pawimawh pahnihte zin chhuah lai a nih avanga inrawnkhawm leh rih deuh an duh thu an sawi avangin karleh Nilaini vela inhmukhawm leh turin thu an dah ta rih a ni.
