Sorkar laipui insak tanpuina Mizoramin a kalpui tha lo

Aizawl Sept. 15 : Union Minister of State for Consumer Affairs, Food & Public Distribution and Rural Development Sadhvi Niranjan Jyoti chuan Mizoram ah Pradhan Mantri Awas Yojana hnuaia insak tanpuina dawng tur zinga za sawmli (40%) vel chauhin la dawng chu a nih dan tur a nihloh thu sawiin, Mizoram state sawrkar chu scheme implement chungchang ah hma chak zawk a la turin a ngen.
Nimin zinga MINECO conference hall a thuthar lakhawmtute nen an in kawm naah Union Minister of state chuan Mizoram ah mipui te chhawmdawlna tur scheme kalpuina chuan duhthu a sam tawklo tih sawiin, Mizoram chhungah mi singkhat sang nga za ruk chuang in PMAY hnuaia insak tanpuina an dawng tur a nih laiin mi 5800 vel chauhin a instalment zawng zawng an la dawng kim chu mak a tih thu a sawi a. Central sawrkar lam chuan a tih tur a tih tawh thu sawiin, state sawrkar chuan a tih ve tur, matching share 10% chu a pek ve a ngaih thu leh hma la tha turin a ngen.
Sadhvi Niranjan Jyoti chuan Mizoram chu ramri a awm State pawimawh tak a ni a, inkalpawhna tha a ngaih thu sawi in, Home Minister hnen ah pawh amah ngei in hemi chungchangah hian hmasawnna a awm theih nan ziaka a ngen tur thu a sawi bawk.
Minister hian Mizoram ah thlai leh thei a tha em em a, ram hmasawnna atan heng hausakna te hi Engtin nge kan hman ang tih kan ngaihtuah a tul thu a sawi a, food processing unit te pawh buaipui duh an awm a nih chuan hma lakpui a in huam thu he hunah hian a sawi bawk.
Sawrkar leh mi thenkhat chuan nuaih thum an sem ang an tih pawh an sem loh thu pawh Minister hian a sawi bawk.““He hunah hian Minister chuan, kum 2014 atang khan Prime Minister Narendra Modi a chuan ram hmasawnna atan theihtawp a chhuah thu leh sawrkar laipui hmalakna hrang hrang te a sawi a. “A rah kan hmuh mek zingah chuan Mizoram a Rajdhani Express Rel a awm thuai tur hi a ni,” a ti a. Chak takin hma lak mek a ni tiin Rel kawng chu hmasawnna ruhrel pawimawh tak a ni a, In kal pawh na thain ram hi in thlun zawm in hmasawnna rualkhai takin a kal thei dawn a ni a ti bawk.
Minister hian MGNREGA hnuai bakah sawrkar hnuaia scheme hrang hrang te chu ram mipui tên an chhawr tangkai tawh dan te a sawi bawk.