Higher & Technical Education Minister Dr. R. Lalthangliana chuan vawiin khan Govt. Mizoram Law College Freshers’ Social cum Felicitation hmanpuiin, khuallian a ni.
Khuallian Dr. R. Lalthangliana chuan, Mizoram-in Law College kan neih nana a bul atanga sulsu tu zinga mi Prof Rualkhuma Hmar chu kum 23 lai mai law zirtirtu a nihna lawmpuina a tarlang nghal a. Mizoram Law College zirlaite chu zoram hmathlir an ni a, chhungkua background in ang lo tak tak te pawh an ni mai thei a, chungte chu an hlawhtlinna daltu a tan tir lo a, thawhrimna hian mi hausa leh rethei a thliar lo tih rilrua pu tlat turin a fuih a. Dan leh hrai hre mi chu ram rohlu an ni a, tunlai khawvel changkanna hrang hrang karah ram dan hria chuan thil chinchang midangte aiin an hre zawk a chuchuan nasa takin thil nawr kal kawngah te a pui thin a, dan pela thil ti lo tur ten a pui thin a ni a ti a. Minister chuan kan ram chhunga Law College hi ramdang zirna ang bawkin a tha a ni tih sawiin, State Judicial Service a lut leh, ukil tam zawk te chu he College chhuak an nih thu sawiin, ramdang aia kan hniamna bik a awmlo a ni a ti a, chutih rual chuan Mizoram chhung chauh nilo, hmundanga Law practice tam zawk nei thei tura tan lak erawh a hnam ang zawng pawh a kan tum tur a ni a ti a. Chutiang ang chher chhuah tum tlat turin zirtirtu te a fuih bawk.
Khuallian chuan Mizoram Law College hi ram tan, sawrkar tan asset a ni a, zoram thlir an ni tih inhre turin leh an kalzelna turah duhsakna a hlan a ni.
Govt. Mizoram Law College Principal Prof Rualkhuma Colney pawhin kalkhawmte lawmna thu sawiin Govt. Mizoram Law College tan bakah kum hnih chhung Covid-19 ramin a doletna kawngah a hnathawhte a chhuanawm em em khuallian an nei thei chu malsawmna a ni a ti a. Minister Dr. R.Lalthangliana hova Secretary, Bar Council of India bia a, All India Bar Council hnuaia Mizoram atanga Law graduate ten license an neih theih nana exam an pek theih nana thahnemngai taka hma a lak pui dan te tarlangin, thahnem ngai Minister an nei chu an vannei hle a ni a ti.
Law College hi 1983 ah din niin 2004-ah Mizoram Law College ti-a hming thlak a ni a, kum 2013 ah Provincialised a ni. A din tirh atanga vawiin thlengin mi 665 ten LLB an pass chhuak tawh a, tunah hian zirlai 189 leh zirtirtu 13 vel an awm mek bawk a ni. Nimina freshers lawmluh te hi mi 71 an ni a, LLB graduate mi 58 thlah an ni bawk a ni. Exam hnuhnung ber ah mi 44 in first division ah pass in, mi 14 ten second division ah an pass a, university rank holder mi 12 an awm bawk a ni. Tun dinhmunah hian zirlai mi 29 Hosteller an awm bawk.
