Vawiin 19th September 2022 khan National Students’ Union of India ,Mizoram State hruaitute chuan PWD Engineer- in- Chief, Er Bowmen-a chu a office ah an hmu a, Ni 28 January 2022 khan, NSUI President Pu RB. Lalmalsawma hmingin World Bank road Hualngohmun khaw hnuai BN Nursing Hostel bul kawng chhe lutuk siamtha tur a ,ngenna an lo siam tawh chu an bawhzui a. Tin, Lunglei Road , Tlawng leh Pukpui inkar kawng chhe lutuk leh Mizoram hmun hrang hrang a kawngpui siamtu Contractor thenkhat hnathawh muang lutuk chungchang te an thlen bawk.
NSUI Mizoram chuan, “Kan thu thlen hrang hrang te tha takin min lo dawngsawng a, World Bank Road Hualngo khaw hnuai BN Nursing Hostel bul chu siam thatna tur sum a awm tawh thu leh ruahtui a tlak leh thin avangin a chhak lam a min belh thin a, Chuvang a chawlhsan rih an nih thu a sawi a, chaktak a hmala turin theihtawp an chhuah tur thu a sawi a.
“Lunglei Road Tlawng leh Pukpui inkar kawng chu a chhiat zin em a vang in a zirchiang tutur (study team )an din tawh thu leh 20th September 2022 hian ,a zirchiang tutur (study team) te an kal tur thu a sawi a, tin Mizoram a contractor hrang hrang ten hna an thawhmuan thin thu te NSUI te chuan kan thlen a , hemi kawngah pawh hian Engineer-in-Chief Er Bowmen-a chuan hma chaktak a a lo lak tur thu min hrilh bawk a ni,” an ti.
