India ram Prime Minister Narendra Modi piancham lawmna Programme kal zel ah Vawiin khan BJYM Siaha District (BJP Thalai) te’n Siaha District Hospital ah thisen unit 17 an pe.
He thisen pek hun inkhawm hi Siaha District BJP Office ah hman a ni a. BJP Siaha District President-in thusawina hun hmangin, ” BJP Ṭhalai ten Blood donation Camp an buatsaih hi lawmawm ka ti a. Mi mangang te ṭanpui tu leh mi nunna chhan nana Ṭhalai te’n an thisen hlu tak an pe hi aropui hle a, nakin zel ah pawh ṭanpui ngai te tana ke pen zel turin ka chah che u a ni,” a ti.
He inkhawm ah hian AVBD, Siaha District Secretary Laltharliana pawhin thu sawiin, ” Siaha District, BJP Ṭhalai te hi Political Party-a thisen pe ṭhin awmchhun in ni a, in entawn tlakin in inpekna hi a ropui a, in fakawm takzet a ni,” a ti bawk.
He inkhawm Programme hi Pi Thluakho Solo, President BJYM Siaha District in a kaihruai a. District Office-a hun zawh ah hian Siaha District Hospital ah thisen an pe nghalin, Thisen petute hi Mipa 16 leh hmeichhia 1 an ni.
