Kum tina tihchhuah thin ‘Annual Report of Registration of Births & Deaths, Mizoram’ chu vawiin khan tlangzarh niin, he issue hi tum 36 tihchhuahna a ni a; hetah hian kum 2021 chhunga nau piang leh mitthi hetiang hian felfai taka chhinchhiah a ni :-
Nau piang zat -> 24,314
Mitthi zat -> 8,101
Nausen kum 1 hnuai lam thi -> 444
Nau thisa-a piang (Still Birth) -> 104
Birth Rate -> 17.63 (per 1000 population)
Death Rate -> 5.87 (per 1000 population)
Infant Mortality Rate -> 18.26 (per 1000 live births)
Still Birth Rate -> 4.26 (per 1000 births)
Sex Ratio at birth -> 957 (female per 1000 male)
‘Mizoram Statistical Abstract,2021’ leh ‘Annual Report of Registration of Births & Deaths, Mizoram,2021’ hi Lalmalsawma Pachuau, IRS, Secretary, Planning & Programme Implementation Deptt., & Secretary, Urban Development & Poverty Alleviation Deptt., Govt. of Mizoram chuan Directorate of Economics & Statistics Conference Hall, MINECO, Khatla-ah a tlangzarh.
He Abstract leh Annual Report tlangzarh inkhawm hi B.Lalrinhlua, Director, Economics & Statistics chuan a kaihruai a. V.L Nghahmawia, Deputy Director, Economics & Statistics chuan ‘Mizoram Statistical Abstract,2021’ Technical Report pein, Pu Lalmanliana, Assistant Director (CRS Branch) chuan ‘Annual Report of Registration of Births & Deaths, Mizoram,2021’ Technical Report a pe a. Pu C.Vanlalvena, Assistant Director, Economics & Statistics chuan lawmthu sawiin hun a khar a ni.
He hunah hian Planning Department hnuaia officers leh Department dang officers engemaw zat an tel a ni.
‘Mizoram Statistical Abstract,2021’ hi tum riat chhuahna niin, tum danga la chuang ngai lo – Mizoram Economy thlirna, leh SDGs- a Mizoram dinhmun thar ber leh Suicide data leh Suicide rate te tarlan a ni a. A phek tin hi colour veka chhut niin, Research Scholar- te leh Mizoram Economy hrechiang duhte tana lehkhabu rotling a ni. Bu khat hi Rs 500/- zela hralh chhuah tur a ni.
