Dr. Munjpara Mahendrabhai, Hon’ble Union Minister of State, Ministry of Women & Child Development and Ayush, Government of India chuan vawiin khan Mamit tlawhin a Department chan Women & Child Development leh Ayush hnuaia thawktute nen inkawmhona neiin an hnathawh dan a enpui.
Central Minister hian Sakhi- One Stop Centre, Mamit Dinthar tlawhin tunah mi pakhat (1) enkawl lai an nei mek a. Swadhar Greh tlawh bawkin enkawl lai naupang pahnih (2) leh puitling pali (4), an vaiin mi paruk (6) an awm mek bawk a ni. Anganwadi Centre No. 5 leh Ayush OPD te a hmunah kalin a tlawh bawk.
Heng a tlawh hrang hrangte hian an harsatna te lo thlenin nakin zelah harsatna an nei anih pawhin biak theih reng anih thu a sawi a. Sakhi- One Stop Centre leh Swadhar Greh a awm mekte chu anmahni-a intungnung thei tur leh inenkawl thei turin Vocational Training nei a, thiamthil tha tak neih tum turin a chah. Ayush OPD a thawktute pawh an hnathawh dan hrang hrangte a enpui nghal bawk.
Dr. Munjpara Mahendrabhai hi Tourist Lodge Mamit-ah Mamit DC leh SP bakah Officials dangte’n an lo dawngsawng a. Secretary, Social Welfare Department, Govt. of Mizoram, Director, WCD, Director leh Jt. Director, DHS te’n an rawn tawiawm a ni.
