India a Republic of China (Taiwan) palai Baushaun Ger a chuan September ni 30 khan Pu C. Lalrosanga, MP (LS) chu Delhi a a chenna inah tlawhin India nena thawhho theih dan tur thute a sawipui a. Mizoram thing leh mau aṭanga thilsiamte leh lakhuihthei leh theirah dangte thawnchhuah chungchangte a sawipui a ni.
Baushaun Ger chuan Taiwan ah India mi zirlai 3000 vel an awm a ni tih sawiin zirna leh eizawnna kawng thar siam thei beisei thu a sawi a. Semi conductor siamna lamah thawhho theihna kawng a awm te a sawi bawk a. Pu C. Lalrosanga chuan thawhdun theihna kawng dapin India Sawrkar leh Mizoram Sawrkar thuneitute a lo sawipui tur thu a Taiwan palai a hrilh a. Taiwan palaiin a lo sawipui tawh angin an ram fang tura an sawmna pawh phalna a hmuh chuan tihhlawhtlinsak ngei a tum thu a lo hrilh a ni.
