Covid vanga duty nunna chante zangnadawmna pe

Pradhan Mantri Garib Kalyan Package (PMGKP): Insurance Policy hnuaia ‘accidental loss of life due to Covid-19 related duty’, Covid-19 kaihhnawih duty-a accident-a nunna chante tanpuina Rs 50,00,000/- chu ni 2.10.2022 khan Government of Mizoram hnuaia din Task Group on Insurance ten an dilsak mi pahnih, Pu Lalpianvula leh Pu Rohmingliana chhungten an dawng.
Lalpianvula hi Zawlnuam Bawrai Veng niin VLTF volunteer a ni a, May ni 17 2020 khan an duty-na lirthei atanga tla sual palhin a nunna a chan a, Pu Rohmingliana hi Mizoram Police havildar niin Covid– 19 kaihhnawihah Vaseikai-ah a duty a, a duty lai hian accident tawkin ni 25. 5.2020 khan a boral a ni.
An insurance benefit dilna hi a tirah hnawlsak ve ve an ni a. Task Group on Insurance te’n bawhzuiin Ministry lamah te an thlensak a, beisei ngam tawh loh hnuah a lo hlawhtling thei hi vanduaina tawk chhungte Task Group on Insurance chuan a lawmpui tak zet a ni.
Zangnadawmna Rs. 50 lakh ve ve hi Pu Lalpianvula nupui Pi Lalchhanhimi leh Pu Rohmingliana nupui Pi Laldingliani te bank account-ah deposit a ni.