BJP National GS (Org) BL Santhosh Mizoramah rawn kal

BJP National GS (Org) BL Santhosh chuan vawiin khan BJP Mizoram party workers te Meeting a neih pui a, he hun hi Dr BD Chakma State Vice President in inkhawm kaihruaiin, Vanlalhmuaka State President chuan BJP National hruaitute lawmna thilpek pekna hun a nei a ni.
Dr Sambit Patra BJP National Spokesperson, BJP NE Co-ordinator ni bawk in thusawina hun neiin, “BJP Mizoram te chu chak taka hma la zel tur leh PM Modi kaihhruai BJP Sorkar kaltlanga hmasawnna hrang hrang kan hmuh ang hian Mizoram ah pawh Kum 2023 ah chuan BJP Sorkarna a awm theih ngeina turin BJP Member zawng zawngin kan awmna hmun ?heuh ah BJP hnathawh hrang hrang te hrilh hria a, BJP ah sawm zel tur in ka sawm che u a ni,” a ti.
BL Santhosh BJP National GS (Org) chuan thusawiin, “India ramah Mizoram chauh hi Kristian tamna anilo va, NE States ah pawh Nagaland, Arunachal, Tripura leh Goa State ah te pawh BJP Sorkarna a awm vek tawh a, chuvangin BJP hi Kristian te emaw, Hindu emaw Muslim emaw nilovin Mipui ta a ni. Kan Prime Minister Pu Narendra Modi pawh rethei tak atanga bul tan niin, Prime Minister dinhmun a luah thei a, chutiangin keini pawh rethei mah ila nakin lawkah chuan Mizoram tan mi lian kan la ni thei a, nimahsela BJP ah chuan Corruption a leng lova, Mipui tana rawngbawl tura inpek hi kan hna pawimawh ber a ni,” a ti.
Ni 4th October 2022 (Tuesday) khan Aijal Club ah Professional and Intellectual Meet chu BL Santhosh hova neih niin, he hunah hian Padmashree Awardee B Sangkhumi te, PC Lawmkunga IAS (Retd) te, Lawmsanga IPS (Retd) te, Entrepreneur te, College Student te telin, Mizoram tana rawtna leh an harsatna an sawi te chu theihtawp chhuaha bawhzui a tum thu BL Santhosh hian a hrilh a ni.
Kalkhawmte hnenah Pu BL Santhosh chuan, “PM Scheme hrang hrang kaltlangin India mipui tamtakin malsawmna kan dawng tawh a, Mizoram ah pawh PM Scheme tam tak chu Mizo mipui te’n kan chhawr tawh a, kan chhawr mek bawk a ni. India hmarchhakah Congress hunlaiin ngaihthah an ni ?hin a, tunah erawh PM Modi kaihhruaina hnuaiah hmasawnna nasa tak a thleng mek a, tunhma awm ngai lo mipui mamawh tam tak NE States te’n kan nei zel te hi a lawm awm hle a ni. Inkalpawhna kawngpui tha tak NHIDCL hnuaiah siam ani a, Rel kawng hmun hrang hrangah sial a ni bawk a, AIIMS damdawiin pawh dah belh ani bawk a ni. Chuvangin Development Party BJP hian Kum 2023 ah chuan Mizoram mipui tan Sorkarna kan siam ngei theih nan BJP Member zawng zawng te theihtawp chhuah turin ka ngen che u a, Mizoram mipui te pawh, Mizoram ah Development kan la hmuh ngailoh a lo thlen theih nan BJP lo Support lo support ka sawm che u a ni, a ti bawk.