Ni 2 cham a lo zin, Vanathi Srinivasan, MLA, BJP National President Mahila Morcha chuan Lengpui Khua Anganwadi Center a tlawh.
Vanathi Srinivasan hi Lalhruaitluangi Vandir BJP National Executive Member Mahila morcha leh Lalbiakimi State Mahila Morcha President leh GS Laskhmi Rai bakah Lalnunemi District Mahila President Mamit ten tawiawmin Lengpui anganwadi centre a tlawh a, anganwadi workers te kawmin, Nu Naupai/Raipuar ten sawrkar atanga tanpuina an dâwn tur an dawn leh dâwn loh te zawtin a kawm a, tin Poshan Abhiyan hnuaiah nausen enkawl ngai ten nutrition an hmuh leh hmuh loh te zawtin naupang te a kawmin hun a hmanpui a ni. Anganwadi Workers te chuan Nu Naupai te tan leh naupang ten Nutrition an mamawh angte tha taka an pek thu in alo chhang a ni.
Hei bakah hian naupang, HD Lallawmsangi a lungpawp avanga Phai lama zai (Operation) ngai chu tlawhin, an chhungkua an harsat avanga Phailam kal an harsat thu leh inenkawlna tur an neih loh thu an sawi chu, Vanathi chuan naupang nu leh pa te chu naupang Lung zaina tur senso ngai leh enkawl na tur te chu tanpuina angaihtuah sak dâwn thu a hrilh a, khawi hospital nge an duh tih te zawtin theihtawp chhuah a tanpui a tum thu a hrilh bawk a ni. HD Lallawmsangi Nu leh Pa chuan Vanathi’n theihtawp chhuaha puih a tum avangin an lawm thu an sawi bawk a ni.
Vanathi Srinivasanji chuan Hmeichhia te dinhmun thalo chawisan a nih zel theih nan nasa taka hmalak atum zel thu a sawi bawk a ni. Pi Vanathi hi a pasal leh afapa ten rawn tawiawm in, nimin khan Lengpui Airport atangin Delhi panin an haw a ni.
