MPYCC chuan thuchhuah siamin, “Mizoram sorkar hian mipuite hi nasa takin min sawr fe tawh a, kawng hrang hrangah chhiah a pung nasa em em a. Ni tin mamawh chhiah nasa taka a pun avangin Mizo mipuite tan hian kan hrawn mek sorkar hi phurrit sorkar a tling zo ta.
“Property Tax hi tunah hian a pung nasa em em a, a thenah chuan a let ten a pung hial tawh a ni. Hei hian in leh dawr luah mante thlengin a nghawng nasa em em a, mi rethei leh harsa zawkten Property Tax pung hi kan tuar nasa leh zual a, mipui sawr fe zual zelna hi kan dem a ni.
“Kawng hrang hranga MNF sorkarna chelh hnua chhiah pung hi phurh zawh rual a ni tawh lo. Chhiah lak theihna mitin an meng a, hei hian mipui min ngaih pawimawh loh zia a pholang a. SEDP Health Care te chu khawiah mah sawi rik pawh a awm tawh lo a, cheng nuai thum (3) sem tur pawh sawi rik ngam a ni tawh lo,” tiin an tarlang.
