Ni 10.3.2022 Ningani tlaia Lengpui Airport chei that mek slab chim chu Mizoram Mistiri Assn. Gen. Hqrs chuan pawi an ti a, vawiin hian MMA Gen. Hqrs hruaitute chuan a hmuna kalin an enfiah a ni.
“He hnathawh danah hian Mistiri chu thawktu pawimawh tak nimahse, Contractor emaw supervisor emawin mawh an phur hle in kan hria a. Rod zawm dan leh cement proportion a dik tawk lova, tui a mamawh ang an pe lovin kan hria a, chu chuan concrete chakna tam tak a tichhia a. Tin a ban leh beam, slab tlo dan tur angin a tlo dawn lo tih a chiangin kan hria a ni,” an ti.
“Tin, Terminal Building kawta kawng chhawng tur an siam mek pawh a structure dik tawk lo hle in kan hria a ni.
” Mizoram chhunga construction hnathawh reng rengah contractor emaw a hna viltu, supervisor ten hlep nasat tumna avanga hmanraw hman chhiat leh hna uluk lo tak mistiri hna an thawhtir thin hi pawi kan ti a, hetiang hi thleng tawh lo se kan ti,” tiin thuchhuah an siam.
