PC Party Thalai chuan thuchhuah siamin, “Tunhnaiah RIPANS, Zoram Medical College, Industrial Training Institute leh Aizawl District Institute Of Education ( DIET) Zirlaite Scholarship Sum pe chhuak thuai tura Zirlai hruaitute ngen ngawl ngai khawpa Mizoram sawrkain Zirlaite Scholarship sum a hrek sak reng mai hi PC Thalaite chuan hriatthiam harsa kan tiin Mizoram sawrkar kan dem takzet a ni,” an ti.
Thuchhuahah chuan, “Hetianga Zirlaite an Scholarship sum chungchanga mangang taka an awmna te sutkian a nih theih nana Zirlai hruaitute hmalakna Mizoram sawrkarin a lo bengkhawn tha hle mai hi PC Thalaite chuan lawmawm kan ti a.Chutih rual chuan Mizoram sawrkarin a intiam kamna ang ngei a karleh October ni 17- October ni 22 huang chhung ngeia Zirlaite Scholarship sum pe chhuak ngei turin PC Thalaite chuan Mizoram sawrkar kan phut tak meuh a ni,” an ti bawk.
