Ni 11.3.2022 MIMA Executive meeting chuan, AMC Licensing Regulations, 2012 chu ngun taka zirchianga enhoin, Mizo Hnam himna tura siam that pakhatmah ala awm lova. Licensing Regulations, 2012 in a phut thin chu, tun dinhmunah pawh Epic, Residential Certificate, building neitu phalna, passport size photo 4copies leh NOC from Local Council tih a phut ngai reng ala phut a. Heng documents te hi Hnamdang tan neih harsa pakhat mah a awm lo a ni. Epic leh Residential Certificate te hi Mizoram tih a ni si lova, India rama State dang khawi hmun pawh a hman theih vek a ni.
COVID-19 hri len hmaa MIMA in a check naah pawh hnam dang tam tak AMC ah hian an in register tawh a ni tih a hmu chhuak a ni. Hetiang anih avang hian AMC a sumdawngte in register chungchangah hian MIMA chu a dinna ngaiah a la ding reng a, Sumdawngte AMC ah hian Registration tih rih loh tur a ni. Mizo hnam himna turin AMC pawhin Registration ti tur hian sumdawngte mi tilui lo turin MIMA chuan a ngen nghal bawk a ni. Tih luihtir tumna a awm anih chuan MIMA hotute hriattir vat ni se tih a ni.
Hetianga Mizo hnam himna a awm loh lai hian Bank thenkhata loan lak dawn leh Department thenkhat thil pawimawh tih dawnin AMC Registration certificate phut an la awm tih hriat a ni a. Hengho pawh hian phut tawh lo turin MIMA chuan a ngena. A la phutlui anih chuan Chanchinbuah an hming chhuah anih bakah, MIMA in a theih angin hma ala ang.
