PC Party chuan, “Sawrkar laipuiin Zirlaite Scholarship sum Mizoram sawrkar kuta October ni 4, 2022- a a hlan tawh pek chhuah a nih thuai theih nan chak taka hmalakna kalpui thuai turin thuneitute kan phut,” an ti.
Vawiina thuchhuah an siamah, “Kan ramah hian mimal, chhungkua leh Pawl anga kan thawh hlawh sum sawrkar atanga kan hmuh turte emaw hamthatna sum kan dawn tur te emaw hrek khawtlai sak thin kan nih avanga nawr luih kher ngai sawrkar kan hrawn thin hi PC Party chuan khamawm kan ti tawh takzet a.
“Tun tuma Zirlaite Scholarship sum Sawrkar laipuiin Mizoram sawrkar kuta a hlan tawh pawh hi pe chhuak tura lungawi loa nawr chawp kher ngai lo turin leh hrek khawtlai sak nana engemaw chhuanlam dang siam chawp loa, a rang thei ang bera Zirlaite Scholarship sum pe chhuak thuai turin PC Party chuan Mizoram sawrkar kan phut a ni,” tiin an tarlang bawk a ni.
