BJP Mamit District Executive Meeting chu Inrinni khan I&PR Conference Hall Mamit ah neih niin, he hun hi Vanlalhmuaka BJP State President in a hmanpui a, Malsawmtluanga, BJP State GeneralSecretary, Romawia State Secretary, K.Laldinthara, State Spokesperson, Dr Zonuntluanga CSM&PC GS bakah BJP State Yuva Morcha hruaituten an ṭawiawm a ni
Vanlalhmuaka chuan, Central ah BJP chuan hnehtakin Sorkar na kan chelh mek a, NE State tam zawkah pawh Sorkarna kan siam tawh a, Mizoram ah pawh nakum 2023 MLA General Election kan neih hnuah chuan Sorkarna kan chelh ve tawh dawn a ni a ti.
Vanlalhmuaka chuan BJP chu hnamhnuaihnung zawk te kawng tinrenga duhsaktu kan nih avangin keini Mizoram pawh hian chumi malsawmna chu tunaia nasa a kan dawn theihna turin a dawhthleng kan lo siam rem fuh erawh angai dawn a ni. BJP chu Eirukna nasa taka dotu kan nih avangin India ram mipui te pawhin chumi rah chu kawng hrang hrangin atakin kan dawng a, hmasawnna tamtak kan hmu ta zel a ni, Mizoram ah pawh BJP Sorkar hunah chuan mipui chanai eiru te chu hnungkhirh annih dawn avangin mirethei ten kan chanvo chan tur anihna anga kan dawn theih nan hma kan la dawn a ni a ti.
Vanlalhmuaka chuan Central Scheme tamtak chu State Sorkar in anmahni Party bil ta emaw tiin, Party induhsakna atan hman an ching a, hei hi a pawi hle a ni. Chumi nghawng avang chuan tunah pawh Central Scheme dawng tur tamtakin an dawn loh phah a, Central Minister lo kal te pawhin a taka an rawn hmuh tawh avangin an lawmlo hle a, hetiang a kan kal avang hian Central Sorkar rin kan hlawh thei tawh lo a ni a ti bawk.
BJP Mamit District Executive Meeting ah hian Mamit District Executive member khaw hrang hrang ami te an kal khawm a ni.
