Vawiin 28th October 2022(Friday) Dar 11:30 hian BJP Mizoram Pradesh chuan BJP State Office Upper Republic a, Atal Bhawan ah Friday Political Session neih niin, he hun hi Malsawmtluanga State General Secretary in inkhawm kaihruaiin, Vanlalhmuaka State President in thusawina hun neiin, Rochunga Mission Vengthlang chu Party ah lawmluhna hun a nei bawk.
Vanlalhmuaka chuan Mamit District chhung khaw hrang hrang tun kar chhungin kan tlawh a, Silsuri Khua te chuan Party President tlawhtu awm chhun kan nih thu an lo sawi chu amak hle in ka hria a, heng avang te hian heng khua ah hian hmasawnna a thleng mumal lo pawh hi a awm hle in ka hria a ti.
Vanlalhmuaka chuan Mizoram a kawng kan neih that thu sawi sawi Politician te hian, Mizoram an tih hi a zim hle niin a lang a, Silchar leh Marpara Khua inhlat lam hi a in ang chiah a, nimahsela Silchar Darkar 6 a kan thlen theih laiin, Marpara erawh Darkar 12 vel lai kan tlan angai thung a, chuta tang pawh chuan Mizoram thingtlang hmun tamtak kawng awm dan tur chu a hriat mai ani, tin hei mai bakah hian kan tlawh khua te chuan ni 5 vel lai Current anlo nei tawh lova, State dangah chuan darkar hnihkhat lek Current a awm loh chuan Department lam ah Complaint an thehlutin, suspend hial an ni mai a ni a ti.
Vanlalhmuaka chuan, Mizoram State Sorkar hian, Central programme tih hlawhtlinna tura pawisa an dawn pawh an chingfel thei lova, mirethei, mahnia in sa thei loten in an neih theihna tura Housing for all aṭangin Central in pawisa a rawn pe fel tawh a. Miretheite chanvo pawh chu MNF sawrkar hian a pe kim thei lo a ni, MNF sorkarna hnuaia kan awm lai hi ‘Hun ṭha lo’ a ni. India Ramin Kum 1947ah zalenna kan hmu a, chumi hnu ah Kum 2014 ah India ramah Pu Modi-a Prime Minister arawn nih hnu ah retheihna lak ata zalenna kan nei leh a, Mizoram pawh tunah hian retheihna sal-ah kan tang leh mek a, nimahsela kum 2023 MLA General Election lo awm tur hi retheihna sala kan tanna atanga Mizoram kan chhuah hun tur ani dawn a ni. Chumi atana tawtawrawt hamtu chu BJP te kan ni a ti bawk.
