Vawiin November ni 2, 2022-a ZPM Political Affairs Committee thukhawm chuan Party hmasawnna leh hmachhawpte an sawiho bakah heng a hnuaia thutluknate hi an pawm:
1. Mizoram chhunga kuthnathawktute tharchhuah dehralna kawngah hun rei tak atangin harsatna kan tawk nasa hle a, hei hi ZPM party chuan kan ngai pawimawhin kuthnathawktute tan theihtawp chhuaha an harsatna sutkian a nih theih nan hmalak zel tha kan ti a. Kan thlai thar hralhna kawnga harsatna tawh mekte a ranglama sukiang tur leh hmala thuai turin Mizoram sawrkar kan phut.
2. Assam sawrkarin harsatna a siam thin sutkianna tur zawnga state pahnihte inbiakna kal lai mek hmachhawp a awm chungin, inbiaknaa tel tur Revenue Minister leh Law & Judicial Minister te ram danga an zin khawthawn avanga inbiak hun sawn rawt a ni hian; kutthnathawktute harsatnate Mizoram sawrkarin a ngaihpawimawh tawk loh zia a tilang chiangah kan ngai.
