Maubawk Branch YMA chuan an dincham kum 75-na pualin an vengchhung a mi Nl.Vanlalduhi te unau chenna In an sak sak a, zanin dar 7:00 khan In neitute kutah chabi hlanna hun an hmang.
Insak hnatlang hi Oct. ni 14, 2022 khan neih tan niin, Section hrang hrangten a chhawkin an hnatlang thin a. Mistiri Association Maubawk pawhin hnatlangin an pui bawk.
SUm leh pai bakah bungraw mamawh hrang hrangte mipuiten an thawhkhawm atanga sa zo thei an nih thu YMA hruaitute chuan an sawi a. Mimal chhungkua te bakah veng chhunga kohhran hrang hrangtem Kohhran hmeichhia, Kohhran Pavalai, KTP, MHIP, ZPM party te leh bialtu MLA VL Zaithanzama leh Zodingpuii bialtu Corporator (Councillor), Lawipu Branch YMA atangte tanpuina dawn a ni a, Maubawk Branch YMA chuan lawmthu an sawi a. Hei bakah hian Nl.Vanlalduhi te unau hian an pawisa lo khawl ve engemaw zat chu In sak nan hian YMA kutah an chhunglut bawk.
In hi a dung 28ft, a vang 16 ft niin bathroom pawh 5X7 ft a zaua siam a ni a, kawngka pui pakhat leh tukverh panga leh ventilation 3 siam sak an ni bawk.
