Vawiin khan Former Legislator Association Of Mizoram (FLAM) hruaitu J.V. Hluna Ex- MLA Vice President leh Rochhunga Ralte Ex- MLA Treasurer ten PC Party hruaitute kawmna an nei a. Vanlalruata, PC Party President leh hruaitu thenkhat ten an lo dawngsawng.
He hunah hian FLAM hruaitute chuan Mizoramah inthlanna thianghlim leh muanawm tak kan neih theih nana thawhho puiah PC Party hruaitute an sawm.
PC Party President Vanlalruata pawhin thu sawiin, FLAM hruaitute hmalakna lawmawm a tih thu leh kan ramah kum dang zawng aia inthlanna tha leh fel zawk kan neih theihna tura FLAM te hmalakna in rah duhawm tak a chhuah ngei a beisei thu leh PC Party in theihtawp chhuah a hmalak an tum thu a sawi bawk.
