Tun hnaia Food & Drugs Administration (FDA), Health & Family Welfare Department, Government of Mizoramin damdawi quality endik tura Govt. Analyst, Regional Drug Testing Laboratory, Guwahati-a a thawn zingah Pantop – DSR batch pathumte chu damdawi ţha lo (Not of Standard Quality) an ni tih hmuh a ni.
Heng Pantop-DSR-ahte hian a capsule mal tina damdawi chi hnih awm tura label-in a tarlan Pantoprazole leh Domperidone te chu an awm lo (NIL) vek a ni. Chung damdawite chu heng batch-te hi an ni
1) Pantop-DSR
Batch No. SPM211927
2) Pantop-DSR
Batch No. SPA220030
3) Pantop- DSR
Batch No. SPJ211372
FDA Mizoram chuan Aristo Pharmaceuticals Pvt.Ltd. ah heng damdawi chungchang hi a zawt fiah tawh a, Aristo Company chuan an siam a nih loh thu chiang takin an sawi a ni.
An insawifiahna hi pawm tlakah FDA Mizoram chuan a ngaih avangin heng damdawi ţha lote hi ‘A tak anpuia misual tuten emaw a lem an siam chawp (Spurious)’ ah ngaih an ni.
Heng damdawi Pantop-DSR batch number pathum a ţhat loh avangin Pantop-DSR zawng zawng a ţha lo tihna a ni lova, eilai nei tan thlaphanna tur a awm lo. Damdawi zuarte erawhin an damdawi kawllai zingah khitiang batch number pu hi a awm em tih enfel vek se la, an kawl a nih chuan hralhchhuak zui lovin, FDA Mizoram hnenah hriattir nghal tur a ni ang.
Heng damdawi ţha lo (spurious) te hi Guwahati aţanga lak chhawn a nih avangin Assam Drugs Controller hnenah thil awmzia hriattir nghal a ni a. Thil tisualtu man chhuak turin ngawrh taka chhui zui nghal a ni.
