National Highways siam hnathawh chungchang enhona meeting nimin khan Guwahati ah Union Minister of Road Transport & Highways Nitin Gadkari kaihhruaiin neih a ni a. Chief Minister Zoramthanga pawh a tel a. Union Minister chuan Mizorama kawng siam project hrang hrang pali atan Rs. 6,664 crores sanction a nih tur thu a puang.
Chung project te chu:
1) Zorinpui-Longmasu inkar 2-lane kawng, 28 km a thui, project cost – Rs. 764 crores.
2) Vairengte-Sairang inkar 4-lane (package 7 & package 8), 21km a thui, project cost – Rs. 1,400 crores.
3) Aizawl bypass road 2-lane, 32km a thui. Hetah hian hmun thum ah leiverh, belhkhawm in 2.5km a thui a tel a, project cost hi Rs 3,000 crores a ni.
4) Seling – Tuivai inkar 2-lane kawng (Mizoram – Manipur border ah), 122.5 km a thui siamna tur, project cost Rs. 1,500 crores te a tel a ni.
Union Minister of Road Transport & Highways chuan Mizorama kawng siam hna thawh mek chu tha tiin, theihtawp chhuah zel ni se a ti a. Chief Minister hnenah hian thla hnih khat hnu ah Mizoram lo kal a tum thu hrilhin, Lei (bridge) pahnih dawhna tur dilna awm mek pawh phalna pek a nih thuai tur thu a hrilh a ni.
