BJP Mizoram chuan vawiin khan BJP Office Atal Bhawan, “Mipui Run”, ah Friday Political Session an hmang a, Vanlalhmuaka State President in mithar lawmluhna leh thusawina hun a nei a ni.
Vanlalhmuaka chuan BJP hi Mizoram mipui te chuan kan hrefiah chho ta zel a, Aizawl ah ngei pawh nitin mai mithar kan neih avang hian, a lawmawm in Mizoram hmabak hi a eng zel a ni a ti. Mizoram mipui tamtak hian thil kan chik lova, Pathian thusawi pawh a sawi ngam an awm chuan awih nghal mai chi kan ni a, Bible ah inziak a awm em? tih kan enfiah ngai lova, mitamtak chu kan buai phah thin bawk a ni. Chutiang chiahin BJP chungchang pawh diklo taka sawi an awm thin a, awih nghal mai chi kan lo awm mai zel hian Mizoram mipui rilru nghehloh zia ati lang a, an thusawi a dik leh dikloh fiah tur a thudik zawn pawh kan tum ngailo a ni a ti.
Vanlalhmuaka chuan Mizo mipui tam takin Christmas Ni tak 25 December Good Governance Day atana hman tur anih te Christian te tan hlauhawm viau anga sawi an awm thin, He mi ni hi Atal Bihari Vajpayee Birthday anih avangin, amah hriat reng na atana hman mai zawk a ni a, India Rama Kristian State ah chuan Ni 25 ah kher hman angaih loh thu hrilh kan ni, Good Governance Day in a tum hi a pawimawh zawk a, Rorelna dik leh inrelbawlna tha kan neih theih na tur atana ni bik siam anih avang in hemi puala hun kan hman hian Mizoram a Sorkar tha kan neih nan erawh a pawimawh hle a ni a ti.
Vanlalhmuaka chuan India ram Prime Minister Pu Modi-a pawh retheihna atanga tundinhmun thleng a ni a, hei vang hian India ram pawh chumi retheihna lak atanga chhanchhuah hi a tum a ni a, British atangin Kum 1947 ah India ram kan Independent a, Retheihna atanga India ram chhuah zalen leh hi PM Modi a tum ber ani a, tun ah pawh hian chumi tihlawhtling turin nasa taka hma lak a ni a, India mi tupawhin an chanvo an chan theih vek na turin tunah pawh hma lak mek niin, PM Scheme hrang hrang hmangin India mi retheihna sala tang mek te chhanchhuah hi kan hnapui ber a ni zawk a ni. Nimahsela Mizoram a kan Sorkar chuan heng hmasawnna tur hrang hrang hi thawk zo lovin, atam zawk chu an mahni ipte ah a lut thung a, Kan Bible in min zirtir anga Mahni inhmangaih anga kan vengte hmangaih tur a zirtir kan nih chu Mizoram ah chuan kan hlat hle a, Hindu te emaw Muslim te emaw sakhaw dangte hi Mizoram hmasawnna daltu nilovin Mizoram hmasawnna dal tu chu a chhunga cheng keini Kristian inti te zawk hi kan ni a ti.
Vawiin a BJP zawm thar Vanlalhmuaka’n alawm luh te hi mi Pariat an ni.