Vawiin November ni 18, 2022 (Zirtawpni) hian Mizo Hnam Run ah chhung inkhawm neih a ni a. Hun hnihnaah K. Vanlalauva (Ex-Minister) MNF Treasurer chuan thu sawiin, “Tute emaw sawichhe kher lova politics sawithiamlo te hi mipuiin rorel tlakah an ngai theilo, thudik leh diklo chawhpawlh a thusawi chingte avangin kohhran ram thlengin a nghawng thin,”a ti. Hruaitu insawichhiat tawn kan ching hi a thalo hle a, politics-a inchirhthehna leh mimal nun in lipse sak te hian rahtha a chhuah ngailo, a ti.
K. Vanlalauva chuan, “Tumah hi sual bik, tha duh hauhlo kan awm biklo, mitha ni a kan ngaihte hi sorkara an awm hnu hian an sual thar thut i ring lo ang u. Sorkar hian kalphung a nei a, dan avanga thiltih mai remlo a awm thin. Chuvangin, mipuite rilru mumal pu hleithei lova siamtute hi, anmahni thoin a tuar leh thin,”a ti.
Inpuhchhiatna leh thudiklo sawi hian kohhran ram a nghawng thin a, chu chuan political leader te bawk a vawlet thin, a ti.
MNF Treasurer chuan, rorel tura political party tinten hma kan laknaah, ro kan rel huna ram kaihhruai dantur sawi mai ila, insawichhiat vak mai hi mipui hipna a nilo. Engmah la ni ve lo ten hre ber leh thiam ber emaw an inti hi, an hriatloh zia pawh an inhrelo a ni.
