Vawiin hi Khawvel puma HIV AIDS donna ni a nih angin Mizoramah pawh he ni pual hian District hrang hrangah hun hman a ni a. Aizawlah chuan Dawrpui Multipurpose center-ah he ni pual hian State level hnam lam leh zai intihsiakna, Central YMA leh Mizoram State AIDS Control Society buatsaihah, khuallian Health Minister Dr R Lalthangliana chuan thu sawiin, HIV/AIDS dona chungchang ah Health Department chiah nilo, NGO pawl hranghrang te nen thawhhona tha an nei thei chu a lawm thu a sawi a, he natna do naah hian tumah in tlansan lova,kan tanrual tlan chuan India ramah HIV/ AIDS vei tlemna ber kanni thei dawn a ni tiin insumtheihna te, mite tana luanchhuah te chu chhunzawm zel turin kalkhawmte a chah a ni.
Mizoramin tlawmngai pawl YMA a nei chu ram dang te laka kan vanneihna leh dinhmun sang zawnka Mizoram kan din theih chhan a nih thu a sawi. World Aids Day puala State level hnam lam leh zai intihsiakna ah hian Vaivakawn Branch YMA chuan lawmman pakhatna an la a ni.
