Vawiin tlai khan Raj Bhavan-ah, zan khat riaka Mizoram rawn tlawh tu, Kalyan Chaubey, President, All India Football Federation(AIFF) chuan Larsap Hari Babu Kambhampati chu a chenna in, Raj Bhavan-ah a kawm.
Kalyan Chaubey, President, All India Football Federation(AIFF) chuan Larsap hnenah Football a Mizoram hmasawn dan chungchang te a sawi a. A lo kal chhan te sawiin, Football kaihhnawih thil pawimawh dang te an sawi dun a ni. Larsap Hari Babu Kambhampati chuan Mizoramah thlaite Football-ah an tui tih a sawi a. Football tihhmasawnna kawngah AIFF anga Mizoram tana thil tih theih te lo ngaihpawimawh sak turin a ngen a ni.
Kalyan Chaubey, President, All India Football Federation(AIFF) hian vawiin tlaiah MFA hruaitute a kawm dawn a. Sports Minister Robert Romawia Royte nen pawh an inkawm leh dawn a. Hemi hnuah hian MPL Final Kick Off chu khuallian niin a chhim dawn a. Naktuk hian Sairangah MFA Football Ground a tlawh dawn bawk a ni.
