PC Party chuan, “Tunhnaia Union Minister in Zoram Mega Food park chungchanga a rilru nat thu a auchhuahpui ta mai kha PC Party chuan pawi kan tiin kan ram tan a mualpho thlak kan ti hle a ni,” an ti.
Vawiina thuchhuah an siamah chuan, “He Zoram Mega Food Park buaipui a tihhlawhtlin ngei tuma mi ?hahnemngai te hmalakna tihphuisuina leh Mizo mipui tena kan hriat zau zawkna tur kawnga Mizoram sawrkarin ke a pen tawk loh avanga hluihlawn thaw thànga a awm mèk hi PC Party chuan hriatthiam harsa kan ti takzet a.
“He Zoram Mega Food Park October 2022-a tlawh a kal PC Party President Pu Vanlalruata chuan, ‘Zoram Mega Food Park hi sawrkar laipui suma cheng vaibelchhe 75 a din niin kum 2018 bawr vel atang khan hman theih a peih fel a ni a. Tunah hian spice drying unit leh MSME te hman mek niin Fruit Processing Unit te, Dry Wire house leh Cold Storage te erawh hman tangkai a la ni rih lo,” a ti a.
Vanlalruata chuan, ”He hmunah hian Sawhthing etc. 40metric tones darkar khat chhungin a her theih a. Balhla, theihai, lakhuihthei, lamkhuang etc, nikhatah 40 metric tones a um hmin theih a, darkar khatah theitui Metric tones 40 siam theih niin, Nimbu, Lakhuihthei, Baibing, Rawtuai, te bur a dah chhin a ni tawh a. Plastic bur 18, 000 zet ni khatah an siam thei bawk,” a ti.
Vanlalruata chuan, ”Industry leh chumi hman ?angkai chu ram hmasawnna innghahna tur bul a ni a. Zoram Mega Food park siamna tur hi Central a?angin kan dawng leh dawn tawh lova. Kan neih sa vawiin thlenga hman tangkai loh va kan la kawl mai mai a, hmang tangkai a, a dang a te zawk te pawh siam belh zel hi kan ram hmasawnna tur bul a nih avangin PC Party chuan kan ram hmasawn nan kan PC Party Economic Policy ‘Khawlhnuh hmasawnna’ hmangin hma lak kan tum a ni,” a ti bawk.
