Mizo Zaimi Inzawmkhawm (MZI) Inkhawmpuilian chu December ni 8 zan khan Reiek Tourist Resort ah țan a ni a. Palai lawm inkhawmah a thlengtu Reiek bialtu MLA Lalrintluanga Sailo khuallian niin, Reiek VCP Lalrozama khualzahawm a ni.
Vawiin ni 9 khan Reiek Tourist resort-a Convention Centre-ah nilenga rorelin hruaitu thar an thlang a. Rorel hlanin rorel palaia tel lo ten Reiek Tourist Resort-ah hun an lo hmang bawk a. Jt Director, Art & Culture Department Carol VLMS Dawngkimi khuallian niin, MZI thupui ‘Unity Through Music’ tih thupuia hmangin MZI Library sub-committee Chairman Rosiamngheta’n thu a sawi.
Zan lamah MZI member kaltate sunna leh hruaitu hlun chawimawina inkhawm hmangin, Minister C Lalrinsanga khuallian a ni a, MZI Life member, Lalduhoma, MLA khualzahawm a ni thung.
Kum 2022 – 2024 chhunga MZI hruaitu tur te:
President : Er Lalrothanga
Vice President : Lalengmawia
Gen. Secy : R Lalchungnunga
Asst. GS : C Rosangliani
Treasurer : Isaac Hmar
Fin. Secretary : K Lalchamliana