P.C.Partyv chuan thuchhuah siamin, “Mizoram Synod inkhawmpui vawi 99- na Khatla Kohhran biak ina neih mèk in Politics siamtha tura thu tlukna an siam ta hi PC Party chuan lawmawm kan ti a , hei hian Mizoram Politcs kalphung bawlhlawh tawhzia leh hetiang ringawta kan kal zel chuan kan hmabak a thim tur zia a tilang chiang hleah PC Party chuan kan ngai,” an ti.
“Zoram mipuite’n beiseina sàng tak neia ram rorel tura kan thlanchhuah thin ten, Kan ram hmasawnna leh mipuite chawikanna lam aia mahni , chhungkhat laina leh vuahvangte ringawt inhaivurna lam hawia ke an pen thin avangin mipuiin kan tuar a.Chhungkua , khawtlang leh kohhranah ngawng tha lo tak a hrinchhuah phah thin avangin kan ram hi chhiatna ch hrang hrang bawi – ah a tan phah taah PC Party chuan kan ngai a.
“Hetianga Politics tui nù avanga kan ram tluchhe mèk tungdinga , siamtha leh tura kohhrante in ruahmanna hi hlawhtling taka hlenchhuah a nih theih nan PC Party chuan Zoram mipui kan thanharh a tul kan ti takzet a ni,” an ti bawk.
