Vawiin atangin No Tolerance Drive neih tan tan a ni

Vawiin atang khan Traffic Police-te chuan Aizawlah traffic dan bawhchhiate ngaihnathiamna awm loa endik runpui an kalpui tan.
Hemi chungchangah hian December 5 khan senior SP Traffic Aizawl chuan mipui hnena hriattirna a lo tichhuak tawh a, December 12 atangin No Tolerance Drive/ Checking neih a nih tur thu leh lirthei document felfai lo te pawh a tul anga inruahman lawk turin a chah a ni.
Traffic Police hotute sawi danin, a ni khatnaah hian lirthei neitu leh a khalhtute zingah dan zawm lo man ngai an tam loa, lirthei document fel lo te chu hetiang hun lai hi chuan an tawmim deuh nia a lan thu an sawi a ni.
Traffic Police hotute chuan ‘satel helmet’ ang chi leh ISI mark chuang lo helmet khum phal a ni tawh lo tih an sawi a. Thawhtanni bikah hi chuan helmet chungchang hi chu inhrilhfiahna atan hman niin, ngaihhnathiamna hawn a ni a, vawiin – Thawhlehni atang chuan satel helmet khum leh ISI mark chuang lo helmet khum chu man an ni tawh dawn tih an sawi.