Peoples’ Conference Party Youth General Headquarters chuan thuchhuah siamin, “Two Wheeler Taxi – a thalai eizawngte nekchep zawnga Mizoram sawrkar hmalakna duh loa ATTA te lungawi lohna leh an manganna hlihkian sak tura Mizoram sawrkar an ngenna PC Thalaite chuan awm kan tihpuiin kan thlawp tlat a ni,” an ti.
Thuchhuahah chuan, “Thalaite’n neih thinglungkhawng leh pukchawp tak meuha chhungkaw chawm nana two wheeler taxi – a an in nghahna tithuanawp zawnga Mizoram sawrkar hmalakna hian Mizoram sawrkarin thalaite hmakhua a ngaih lohzia a tilang chiang hleah PC Thalaite chuan kan ngai a.
“Two wheeler- a eizawngte harsatna thlen zawnga intlàn chhawktir lo tur te,traffic zam a zual zel loh nana two wheeler taxi permit pek belh tawh lo tura ATTA ten Mizoram sawrkar an ngenna hi a rang thei ang bera tihlawhtling ngei turin PC Thalaite chuan Mizoram sawrkar kan phut a ni,” an ti bawk.
