MPCC Vigilance Team member 6 te chu Pu Lal Hriatrenga Chhangte, MPCC Secretary & Vice Chairman , Vigilance Cell hovin ni 10-12 March 2022 inkar khan Champhai – Zokhawthar ah Indo- Myanmar International Trade chungchang zir chiangin an han feh chhuak a.
He Vigilance Team hian Border Trade, a bikin KUHVA Trader te leh Stake Holder hrang hrangte bakah Champhai Joint NGO Co-ordination hotute an kawm kual a. Technical tak chuan Kuhva pawh chu Illegally Imported Goods ( Smuggled Goods) ni ve tho bawk mah se, Champhai District a kan unaute hi chuan Kuhva, Vawkte leh nepnawi chi hrang hrang, blanket, thlai leh zawngtah ang chite hi chu SMUGGLING thilah pawh an lo ngai meuh lova. Chuvangin, thil dik lo emaw thil sual ti em em ah pawh an lo inngai meuh lo a ni. Amaherawhchu, an niin Contraband Items an tih, a ruka Silai, Gold bars, Drugs hlauhawm chi hrang hrang tawlh luh ruk ang chi te erawh THIL SUAL TIHNA ah an ngai chauh thung a. A bikin Zokhawthar khua (In 800 bawr, mihring 3000 chuang awmna) ah chuan an lo innghahna ve ber leh he khua dinchhan ber Border Trade a chawlh tak thup avangin ei bar zawn chungchang leh khawtlang nun (Social Life) harsatna tam tak an tawk chho mek a ni.
Chumai a la nilova, World Bank Funded Economic Road an tih mai, Champhai to Zokhawthar kawng chu laihzawh thawkhat ni tawhin vanduai thlak takin Zokhawthar thlen hma lawk hmun 2 ah kawng chhak Lei/Lung tawlh lian tham tak takin kawngpui thar chu a ti chhe leh vek tawh a. He ko-min mai bakah Zokhawthar thlen hma lawk tak taka Vawmkaw lui kanna tur lei (Soil embankment-lei chhun khah) pawh chu an chhunzawh hnu lawkah a chim bal lehnghal a. Tunah hian he Champhai – Zokhawthar kawng laih hautak zet leh tangkai zet tura ngaih hi hnathawh chhiat luat avangte leh Planning a mumal loh avangin helai hmun hi Engineer leh Geologist te’n uluk taka enfiah nawn a, chhiatrup theihna nasa zawk thleng thei reng hi fur ruahtui tlak leh hma ngeia sawrkarin hma a lak a ngai hle a ni.
Hetiang taka Zokhawthar, kan Mizoram Border Trade Town pawimawh ber, Mizoram Dubai ni chho thei mai tur chu chhawr hleih theih lohvin tunah hian a awm mek thung. Helai bawr harsatna (Socio-economic Degradation) hi ngaipawimawhin rang takin dan ang taka mumal leh chak taka hma la vat turin Congress Party chuan Mizoram sawrkar a duh tak meuh tih a sawi a ni.
