Tukin Zirtawpni hian Tuikual Field-a Futsal ground-a astro turf (phul lem) phah tur chu bialtu MLA, Minister ni bawk Lalruatkima hovin enho a ni.

Lalruatkima chuan, “Kan Chief Minister zahawm tak Pu Zoramthanga kaihhruai sorkar chuan kawng hrang hrangin hmasawnna ruhrel siam kawngah hma a la mek zel a. Ṭhalaite hunawl hman ṭhatna tur leh Talent hai chhuaha an infiamna tur hmunhma pawh siam belh mek zel a ni hi lawmawm ka ti tak zet a ni,” a ti a. “Kan ṭhalai tlem a zawng nunkawng dik lo zawhte avangin ṭhalai zawng zawng chhe ta vek ang thaw thanga kan sawi ṭhin hi a dik lo a. Mizo ṭhalai fel tak tak, mahni kalna zawna taima tak tak ṭhahnem tak an awm a ni. Ṭhalaite an tuina leh an talent hmanga ei an zawn theihna tur kawng hi kan zawng zel dawn a ni,” a ti bawk. Tuikual Futsal ground hi chei bawl ṭhat hret a, phu lem hi phah tur a ni a, sum ruahmanna awmsa a nih vangin hna thawh ṭan thuai a, zawh thuai theih beisei a ni. Lalruatkima hi Aizawl West II MNF Block hruaitute leh Khawtlang hruaituten an ṭawiawm a ni.