Tuichangral Zirlai Pawl (TCZP), General Headquarters, Aizawl chuan ni 6 January, 2023 (Zirtawpni) hian General Assembly vawi 10-na chu Bawktlang Community Hall-ah a hmang a. He hunah hian R.Lalzirliana, Hon’ble Minister P&E etc. chu khuallian ah a tang a, Tuichangral ‘S’ group YMA hruaituten an telpui bawk.
Khuallian chuan zirlai kalkhawmte hnenah Bible a kan hmuh angin nu leh pa thuawih hi malsawm dawnna a ni a, nu leh pa thuawih chuan kan hmalam hunah malsawmna tam tak min la thlen zawk dawn tih ni tih hre reng ila, that lai hun chen a, kum upa zawk nih hma a mahni tan theuh a nun hman thiam a tul thu a sawi a, chutihrual chuan kan chungah Pathian in ro a rel dawn tih hrereng a nun hmang fimkhur turin a chah a. Tuichangral Zirlai Pawl (TCZP) motto “Sem sem dam dam, ei bil thi thi” tih hi a sawi a duhtawk mai lo a, mahni theuh in nun pui tum zawk turin a sawm bawk a. Kan ram in hma a sawn zual zel theih nan mitin hian mawhphurhna kan nei vek a, zirlaite chuan hun vawn dik a mahni inthununna nen bultan tum theuh turin a chah bawk.
President Pu R.Lalmawizuala chuan zirlai kalkhawmte chu mahni tumah chiang a, sawrkarna hna ringawtin min daih tawh lo tih hrereng in, eng hna pawh thawk ila rinawm leh taima tak a kan thawh chuan hna tha leh hna zahawm a awm chuang lo. Chutiang mi, mi taima leh mi dik kan neihte chu keini Tuichangral zirlai, nula leh tlangvalte hi chuan i ngaisang thiam ang u. Tun ai hian zirlaiten Politics ngaihven ila, kan ram hruaitu tur kan thlanna kawngah pawh ram leh hnam tana hmasawnna thlen theitu thlang chhuak ngam a, midik kan thlan chhuah theihnan mawhphurhna kan nei tih hre vek ang u. Tunlai khawvel changkanna in a ken tel Social media hman dan tawk thiam a, kan zirna tichhe lo a tangkai zawk a hman dan thiam turin a chah a. Mizoram sawrkar hnena Tuichangral hmasawnna tur a rawtna a thlen leh hmasawnna hnathawh mek te chak zawk a hmalak lak chhunzawm anih theih nan theihtawp min chhuahsak zel turin a ngen a ni.
