Er. Lalrinawma Minister, AH & Vety Deaprtemnt changtu chuan Directorate of Animal Husbandry & Veterinary Department Khatla Office thlawh na hun a hmang a, he hunah hian Lalmuanpuia MLA, Vice Chairman SEDP Veterinary Board chuan a tawiawm a, Deptt. Official ten an lo dawngsawng a ni.
Inkawm khawmna hun tawi neih ah Minister Er.Lalrinawma chuan Animal Husbandry & Veterinary Department chu mipui tana nasa tak thawk thin leh mipuite nitin khawsakna nena in kawp tlat anih avangin mipuiten kan chhawr tangkai zel theih nan tun aia nasa zawka thawk thei tura inbuatsaih a pawimawh thu sawiin Department mawhphurna sang tak nei kan nih avangin mipui pawhin keimahniah beiseina sang tak an nei tih sawiin hmachhawp hrang hrang an neih pawh Department-in hma a sawn theih nan taima taka thawh ho leh sawiho zel a pawimawh a bawk. District hrang hranga Vety department ram tepawh tunaia mumal zawka enkawl leh chhinchhiah a ruahmanna thazawk tur neih thara, hun sen a pawimawh thu a sawi a ni.
Lalmuanpuia MLA, Vice Chairman SEDP. Animal Husbandry & Veterinary Department, Development Board pawhin Vety department a thawktute inpek thinna chu fakawm tiin, hun harsa leh hrileng karah thawhhona tha an nei thin chu lawmawm a ti a, Minister viak tha leh thil chikmi, mi invawngfel Vety department enkawltu tha tak kan nei chu lawmawm a tih thu a sawi bawk.
Director Dr Lalrinpuii Sailo chuan Dept. enkawltu Minister leh Lalmuanpuia MLA, Vice chairman ten thawktute ngaihvenin inleng thatak an nei chu lawmawm a tih thu a sawi.
Minister hi Office chhunga section hrang hrang officer ten an lo dawngsawng a, office room hrang hrang leh OPD, Laboratory X-Ray room, Engineer room te enin Director Committee room ah Inkawm khawmna hun tawi hi neih a ni.
