Sorkar laipuiin January 2023 atanga India ram pumah National Food Security Act (NFSA) a inziak lutte hnenah Buhfai a thlawna sem tura thupek a chhuah angin Mizoram sorkar pawhin hemi bawhzui hian Food Civil Supply & Consumer Affairs chuan thuchhuah ni 9,January khan ti chhuakin DCSO hrang hrang te chu Fair Price Shop Dealer (Retailer) zawng zawng ten he dan hmang hian an huamchhunga NFSA hnuaia inziak lut te hnenah buhfai hi man neilo a a thlawna sem tura tih an ni a, hemi bawhzui hian Local Council leh Village Council hruaitute pawh hriattirna pek an ni bawk.
Ministry of Consumer Affairs Food and Public Distribution Govt. of India in state tinte hnenah thupek a chhuah angin National Food Security Act 2013 section 3 hnuaia benificiary ( AAY leh PHH) te tan ration buhfai a thlawnna sem tawh tur a ni a. AAY chhungkaw tan 35kg per card a pek tur a ni a, PHH chhungkaw tan 5kg mi pakhat ah pek zel tura tih a ni bawk. Tin sorkar thuchhuah tarlan danin Ration hi online hmanga semchhun zawm tur niin E-pos machine leh Digital Weighing Scale (DWS) an hmang ngei tur a ni tih tarlan a ni bawk.
