Chief Minister Zoramthanga chu vawiin khan a chenna bungalow-ah, 24 Sector Assam Rifles Commander thar Brigadier Girish Upadhyay SM, VSM chuan a kawm.
Chief Minister chuan Assam Rifles te chu an hmun thar Zokhawsanga a hma thei ang bera insawn tura a duh thu leh hemi atana hma la tura a duh thu a lo hrilh a ni.
Brig. Girish Upadhyay chuan Mizorama lo awm thar a nih angin Mizo mipuite nen inlaichinna tha tak neihpui a duh thu a sawi a. Assam Rifles chu Home Ministry thu angin insawn tur tho tho a nih thu te, a rang thei ang ber a insawn fel theih nan leh, tuna an hmun chhuahsan tura Laldenga Centre leh project dang te a hma thei ang bera hmalak a nih theih nan amah pawhin theihtawp a lo chhuah tur thu a sawi a. Chief Minister in a tih theih chinah theihtawp a chhuah angin amah pawhin an hotute bulah theihtawpa a lo nawr tur thu a hrilh a ni. Chief Minister pawhin thawhhona tha tak an neih ho zel a beisei thu a hrilh.
Brig. Girish Upadhyay hian Brig. Digvijay Singh a rawn thlak a ni.
Chief Minister-in AR-te chu an hmun thar Zokhawsanga a hma thei ang bera insawn turin a duh
Leave a Reply
-iOS Version