Vawiin ni 18.01.2023 (Nilaini) hian National Students Union of India, Mizoram President, RB Lalmalsawma hovin Zoram Medical College tlawh a ni a. ZMC Director & Medical Superintendent State Refferal Hospital, Dr. John Zohmingthanga hmuh a ni. Congress sorkarin MIMER an din tawh chungchanga thil pawimawh chi hrang hrang zawtin ZMC a nih chhoh tak hnua hmalak zel dan te zawta inkawmna hun tha tak neih a ni.
NSUI Mz President, RB Lalmalsawma zawhna chhangin, Medical College hi Congress sorkar laia din niin, Govt. of India & NEDP Sponsor-a din a ni a. Chumi hnuah Medical Council of India Guide Line zawma din chhoh a nih thu ngaihthlak a ni bawk. A thawktute pawhin thalaite tana sul lo sutute pawh an fak hle a. Tun sorkar hmalakna pawh a tha thawkhata an hriat thu an sawi bawk a ni.
COVID natna khawvel puma a lo thlena a tangkaizia te ngaihthlak a ni a. Zirlaite pawhin chhawr tangkaiin COVID laiin Study Paper 10 atanga 15 chuang an buatsaih theih hial thute ngaihthlak a ni a. Mizoram atang leh ram pawn atanga zirlaite an fel thu ngaihthlak a ni a. Kumin March thlaah Batch hmasa ber Examination neih a ni ang a, April thla tawp vela an chhuah theih tur thu ngaihthlak a ni bawk.
Dr. John Zohmingthanga chuan, zirlai chhuakte hi Mizoram University-in Degree a pek tur a nih thu sawiin, a Quality endiktu erawh National Medical Commission a nih thu a sawi a. Tunah hian zirlai zawng zawng hi mi 492 neiin, Congress sorkar laia lut batch hmasa ber kumina chhuak tur hi zirlai 99 an ni bawk. Tin, NSUI Mz te hian Batch hmasa ber zir chhuakte hi chawimawina hun ropui taka hman an tum bawk a ni.
Faculty (thawktu) indaih lohna pawh a la nasa hle a. Tuna Doctor thawk te’n zirlai an zirtir a, OT ah an lut a, OPD ah an thu bawk a; Practical an tih pui bawk niin Dr. John-a chuan a sawi a. Thawktute an hahin an fakawm zia NSUI hruaitute hian a hmunah an va hmu bawk a ni.
He hunah hian NSUI Vice President, Lalthanzuala, Jerome Laltanpuia, General Secretary leh David Zochhuanmawia, MPCC Media Deptt. te an tel a ni.
