Mizoram Amateur Taekwondo Association chuan Annual General Body Meeting leh kum 2023 – 2027 chhunga Office Bearer tur thlanna Sports & Youth Services Dept.Conference Hall, MINECO, Khatlaah an nei a. Kum 2022 chhunga MATA hnuaia mimal leh club/District Association thawk tha ber hnenah MATA Award 2022 an hlan nghal bawk.
Nimin khan MATA Office Bearer thlanna hi Mizoram Journalist Association ten an kaihruai a, Taekwondo Federation of India atangin L.Sokun Singh, Mizoram Olympic Association aiawhin Lallianthuama leh Mizoram State Sports Council aiawhin Zothanpuia Sailo ten inthlanna hi an endik pui bawk a ni.
Kum 2023-2027 chhung atana MATA hruaitu thlan thar te chu
President Prof.Rualkhuma Colney, Republic Vengthlang
Senior Vice President Vanlalsawma, Electric Veng
Vice President 1. R.Lalrinmawia Republic Veng &
2. C.H.Vanhmingthanga , Republic Vengthlang
General Secretary Joseph Thansanga, Electric Veng
Asst.Genral Secretary Lalhmunsanga, Republic Vengthlang
Treasurer F.Lalhmingliana, Mission Vengthlang
Finance Secretary Rosalynn Lianhmingthangi, Bawnkawn
Tin, MATA Award semna neih nghal a ni a. Award ngaihhlut ber Player tha ber lawmman, Best Taekwondoist Award chu Lunglei nula Lalrinngheti Sailo leh Vanlalmawipuia Venghnuai ten an dawng a. Kumin MATA Award chu pathum lai Lunglei lamin hui a. Best Instructor, Best District Association leh Best Taekwondoist lawmman te an la a, Lunglei district hma an sawn hle tih a ti lang. Tin, Best Referee Award chu nikum a dawngtu bawk Vanlalhmangaihthangi hnena hlan a ni leh a ni a, Best Club Award chu Aizawl Taekwondo Academy in an dawng nawn bawk a ni.
MATA Award hi mimal lawmman 4 leh Club/District tan 2 siam a ni a. Tehna chi hrang hrang – an achievement leh Instructor te vote lakkhawm bakah mimal lawmman atan an nungchang en tel a ni bawk a. Hemi atang hian Award Committee ten an thlang chhuak a ni.
MATA Award dawngtute hi
Best Female Taekwondoist of the Year 2022 – Lalrinngheti Sailo (Lunglei DATA/Lunglei)
Best Male Taekwondoist of the Year 2022 – Vanlalmawipuia (Hnamte Taekwondo Club/Venghnuai)
Best Instructor of the Year 2022 – Joseph Lalsiama (Lunglei DATA/Electric Veng)
Best Referee of the Year 2022 – Vanlalhmangaihthangi (SYS/Armed Veng)
Best Club of the Year 2022 – Aizawl Taekwondo Academy, Electric Veng
Best District of the Year 2022 – Lunglei District Amateur Taekwondo Association
