Mizo Zirlai Pawl MZP te huaihawt a, Mizoram State sub ordinate service selection (MSSSB) Chairman bang tur leh tunhnaia Assistant Grade hnalak chungchanga leilung fate duhsak na awmlo nia an hriat vanga a pisa kaitur an dan chungchang ah nimin khan Education Minister Lalchhandama Ralte hoin a pisa a nimin chawhma dar 11 khan inhmuhkhawmna neih a ni.
Education Minister Lalchhandama Ralte chuan zirlai pawlte duhdan chu ram leh hnam tana tha turin sorkar pawhin a hriat angin ngaihtuahna an seng hle tih a sawia, nimin tlai lamah Dy Chief Minister hoa an thutkhawm chungchnaga MSSB hnalak chungchanga sorkar hmachhawp leh tun dinhmuna zirlai tena an thil nawr mek ah Lalchhandama Ralte chuan MSSSB Chairman nilai mek chu post poimoh leh hna zahawm tak a ni a, chutiang anga ban ngawt theih anilo a, insawifiah turi tih a ni a February ni 6 ah a insawifiahna sorkar ah thlen tura tih niin, tunhnaia Assistant Grade hnalak chungchanga ah chhuichiang turin DP& AR GSW wing te chu ruat niin an thil chhuichian te February ni 8 ah sorkar ah thehlut dawn tih Minister chuan a sawi bawk.
Lalchhandama Ralte chuan sorkar in ram leilung fate tan dan hnuaiah direct recruitment rules tha zawk siam tura bawhzui tura hmalak chu a tum mek anih thu sawi in, MSSSB hnuaiah February 2023 chhungin hnalak result tih chhuah leh interview conduct a awm dawn lo tih a sawi bawk a, Dan ennawn ngai lai leh zirchiang ngaite a awm bawk tih zirlai hruaitute nena an inkawmna ah hian a sawi bawk a ni.
