Vawiin ni 24 February, 2023 (Zirtawpni) khan Golden Hall, Congress Bhawan-ah Congress party chuan Friday Political Session an nei a. He hunah hian Dr. C. Lalengzama, Asst. Professor, Department of Social Worker, Mizoram University in ‘Mizoram Loneitute Eizawnna; An harsatnate leh hmalak Dan tur’ tih power Presentation hun a hmang a. MPCC Vice President Lal Thanzara’n mithar lawmluhna hun a hmang bawk.
Dr. C. Lalengzama chuan, Mizote hi Kan lo neih leh kan sakhua te hi a in zawm. Kum zabi 18-na atangin kan thlang tlakna lo neih hi kan ching tawh, tih a sawi a. Farmer tih hian loneitute chauh ni lo, ran vulhtute a huam. Hemi chungchangah kan pi leh pute khan ruahmanna an siam thiam hle a. Thingtlang lo neih atangin huan lo ram nghet neih lamah kan insawn mek a. NLUP in thingtlang lo neih a ti tlahniam bakah lo neih tih hmasawn a ni tawk lo a, hlawk si lova lo neih leh huan siam aiin inhlawh zawngin kan kal a. Tuna kan kal dan ram zau tam nei ram a zau tial tial a, ram zimte nei a zim tial tial a, ram nei lovin mi ramah an inhlawh a ngaih phah, a ti bawk.
Loneihna lama kan harsatna ram leilung rem lo kan ngah a, hei hian harsatna a siam, hemi harsatna mila hmanrua lak leh ruahmana siam thiam a ngai, tih sawiin, Tualchhunga hralh chhuahna mumal tak siam hi khawvel huapa kan in phochhuahna kal kawng pawimawh a ni. Entrepreneurship hian agricultural lam a hawi a pawimawh, tih sawiin, Loneih hmasawnna lama beisei anga hma kan sawn loh chhan chu sorkar department te an thawkho tha tawk lo. Mumal taka tharchhuah hralhna tur ruahman a tul. Election Manifesto a kan neih hian kan ti tha a ni lo, kan tihtur sa kan ti tan chauh a ni. Thui tak kala hlawhtling tura mawhphurhna neitu nih inhriat a tul. Loneitute sum lakluh a pung em, sum hmanral a pung em, sum khawl a pung nge a hniam tih sawiin, Thingtlang lo neih tih hmasawna a hlawhtlinna kuthnathawktuten an neih theihna turin Zirchianna uluk taka nei chunga ruahmanna siam a ngai. Mithiam leh theihna bik kan neihte ngaihtuahna ataka hmang tangkaitu Party nih a tul, a ti bawk.
Lal Thanzara chuan, Thalai rilru fim leh ngaihtuahna nasa tak hmangtute’n Sorkar tha siam tura Congress party an zawm zel chuan Congress party ah mipuiin rinna an nghah zia tilangtu a ni a. Nitin Mizoram tana sorkar tha kan siam hun a hnai zel a ni, a ti a. Congress party tana thawk ni mai loa, ram tana thawktu ni tur leh Congress party chu Mizoram mipui te in pui a ni a, mahni in puiah thlamuang leh hlim taka awm turin kan lawm lut che u a ni, a ti.
He huna mithar lawmluh aiawha thusawitu C. Vanlallawma chuan, Mizoram mipui sum enkawl dan mumal lo lutuk leh dan leh hrai kenkawh mumal lo lutuk hre reng chunga, ngaihtuahna nei lo ang mai a, ‘Aw, tunah kan ram dinhmun hi dawn ve la, lung a awi nem maw…’ tih lam pui mup mup hi ka thei ve lo. Congress sorkar ah chuan Autonomous council te pawhin a hun takah tha takin Development kan dawng a, Ram rotling Mizoram tana siamtu Congress party a, That loh theih lohna bawm, sorkar tha siam turin kan lo lut a ni, a ti.
Vawiina mithar lawmluhte hi C. Vanlallawma, Centenary C. Lalzahawma, Ismael C. Lalthanhawla te an ni a. Zirlai Pawl leh MNF party ah pawh nihna pawimawh tak tak lo chelh tawhte an ni.
